गजल,

राम प्रसाद अधिकारी
जीवनको हजार पल्ट परिक्षा दिएको छु
पत्याउछौ आफ्नो मुटु आफैले सिएको छु

कयौ दुःख दर्द सँग मडारिदै चल्यो जीवन
पीडा भुल्न आफ्नो हातले आफै जहर पिएको छु

लाग्ला तिम्लाई कस्तो जीवन जन्म मृत्यु चल्दै गर्ने
चिता माथि जल्दै फेरी फक्रिएर जिएको छु

सबैलाई डसि लाने यमराजलाई पाजी सम्झे
उसै सँग कुस्ति खेल्न मैदानमा उत्रिएको छु

आत्मा अमर हुन्छ देह मर्छ सधै भन्थे अरु
लाखौ पल्ट मरि फेरी नयाँ चोला लिएको छु