गजल

विवश थापा ‘आशु’

वास्ना दिन नसकेनी फुल्नु पर्छ मुना
डालि डालि लत्रिएर झुल्नु पर्छ मुना

अनौठो अनुपम सहयात्रा सजाउदै
लेक वेशी चारै तिर डुल्नु पर्छ मुना

एकै चोटी पीडा थेक्न आहा कति गाह्रो
थोरै थोरै गार्दब्याथा हुल्नुपर्छ मुना

मन भित्रका इच्छाहरु मनमै राख्नु
एकान्तमा सँगै बस्ता खुल्नु पर्छ मुना

पवित्र प्यार झुपडिलाई दिन्छौ भने
विम्ती विवश सँगै भुल्नु पर्छ मुना

रुमानी साहित्यिक मासिक