गजल

अग्नि पुष्प

धन बटुल्न कोही थाक्दैन यो काठमाण्डौमा
निर्धक्क भै कोही हाँस्दैन यो काठमाण्डौमा

हुने खानेको होड चल्छ के रात के दिन
निर्धन र सोझा त बाँच्दैन यो काठमाण्डौमा

दिन रातै नभनी काम नी कहिले काही त
जाबो दुई टाक पनि पाक्दैन यो काठमाण्डौमा

जनताको श्रम चुस्दै थोत्रो सडकमा पजेरो
कुन नेता पन्त्रिले हाँक्दैन यो काठमाण्डौमा

मुखुरी काँ भन्दै्र ब्युझाउन गाँउ घरमा जस्तो
मिर्मिरेमा भाले बास्दैन यो काठमाण्डौमा