एस.एच. निरौला
क्षितिजको आकाशमा हराउने यात्री हूँ म
तुफानी त्यो बतास मन् पराउने यात्री हूँ म ।।
ती पहाडी ओडारमा झर्नासँगै कुरा गरें
कैले हिमालमा चौंरी चराउने यात्री हूँ म ।।
तारा हेर्दै गगनका निदरीमा डुबेपछि
पौडी खेली तराईमा कराउने यात्री हूँ म ।।
प्रभातमा प्रकाशको किरणमा स्नानगरी
अँध्याराका पाटा अन्तै सराउने यात्री हूँ म ।
नेपालीको स्वाभिमान बिक्दै छ रे बजारमा
घुमिघुमि विक्री बन्द गराउने यात्री हूँ म ।।
No comments:
Post a Comment