बालकविता

कोईराला सूर्यकिरण

आफ्नो देश छाती भरि
आँखा भरी भरी
राखी रहुँ जस्तो लाग्छ
मुटु भरी भरी
श्रम अनि सृजनाले
देश भर्नु पर्छ
बर्खतले भ्याए सम्म
यही केही गर्नु पर्छ
दृश्य टिप्ने आँखा हाम्रो
मुटु राख्ने ठाँऊ
समाज र सृजना नै
हाम्रो शहर गाऊँ
जति छर्छौ श्रम ज्ञान
पसिनाका दाना
त्यती देश उर्वर हुन्छ
र जाजल्यमान
जहाँ गयो त्यही जान्छ
नेपालको माया
जानी राख तिमी साथी
घाम भए छाँया
हामी पौरख गर्दै जाउँ
हेर्छ हाम्रो शेष
चन्द्र सूर्य रहुन्जेल
रहन्छ हाम्रो देश ।