गजल

चन्द्र मिजास
पुरस्कृत गजल
थुप्रै तन्त्र आए यहाँ झन झन देशकै बेहाल भयो
जुनै तन्त्र आए पनि निमुखाकै काल भयो

कैले राजा कैले मन्त्रि सत्ता खोसाखोस गर्छन
जसले शासन गरे पनि अखिर उस्तै ताल भयो

सत्ता हातमा हुनेहरुलाई कसको के नै लाग्दो रै छ
जनताको आक्रोश पनि वर्षे भेलको छाल भयो

नेता ज्यूको भाषण मिठो बोली पिच्छे विकास गर्छन
आश्वासनका त्यान्द्राहरु मन ओताउने पाल भयो

विचित्र छ हाम्रो नेपाल लाश उठि गोली ठोक्छन
इतिहासको अक्षरहरु ढाकछोप गर्ने जाल भयो

टिस्छा र अनि टमकपुर त अझै पनि रुदै छन रे
देशका टुक्रा टुक्रा भू भाग धितोद राख्ने माल भयो

टनकपुरको रोग अचेल सुस्तातिर सर्दै छ रे
देशै रोगले सिकिस्त छ खै कस्तोल यो चाल भयो

आउ अब भरिया दाई शासन आफै गर्नु पर्छ
शासन गर्ने नेताहरु शामन्तिकै रुमाल भयो ।