म मेरको छैन - कविता

अनुज गन्मी

ए ! म मेरको छैन
त्यो मेरो लाश मात्र हो
एता फर्क र म तिर हेर
म तिम्रो गालामा चुमी रहेछु

अब तिमीहरु
देख्दैनौ मलाई
न सुन्न सक्छौ आवाज
मेरो लागि तिमीहरु
बहिरा छौ लाटा छौ
र अन्धा ।

मेरो गगन चुम्ने सपना
पूरा भएको छ
म वाकसबाट संसार
नियाली रहेको छु
हावामा तैरिएर

म वेकम्मा बने तिम्रो लागि
तिम्रो आसुँ पुछ्न सकिन
न त ओठ चुम्न
म मात्र दाउरो
जलाएर आगो ताप्न सकछौ
कुहिएर सुलो जस्तो गन्हाउन सक्ला
अहँ तिरस्कार नगर
म आउने छु तिम्रो सपनामा
तिम्रो मस्तिष्कमा
म हराएको मात्र हु
मरेको छैन ।

मलाई हराउदा तिमीहरु
शोकमा छौ
म हर्षले स्वर्ग चुम्दै छु
मे तिमी खुसी छैनौ ?
मेरो जन्तिमा
मेरो मृत्युमा
त्यसैले मैले वीजय पाएको छु
संसार माथि
त्यसैले भन्छु म
म मरेको छैन ।