गजल

नेत्र बन्धन के. सी.

भन्न त मन धेरै थियो हेर्दा डल्ली काली रैछौ
कुराको छाँट यसो बुझ्दा साँच्ची तिमी जाली रैछौ

जाली कुरा गर्छौ काली घरमा छोरा छ नै भन्छौ
बुझ्नेले त बुझ्ला आखिर तिमी साँच्ची खालि रैछौ

कम्मर मर्काई आँखा सन्काई नाच्न तिमी जाँदा खेरी
कताकती नाटकमा रोल पाउँदा सिन्दुर हाली रैछौ

मनको कुरा भन्न खोज्दा लाज आफै माने पनि
सम्झिएर सपनामै काखमा हाम फाली रैछौ

के हुने र कस्तो हुने आफै सोच्छौ जीवनको
लक्ष्य पूरा गर्न हात हेराउन धुपबाली रैछौ