खुम्चिरहेको नक्सा - कविता

नारायण निरासी

चिन्ता लाग्दछ लाग्छ लागिरहँदा माटो र भूगोलको

को खोज्ला अब औषधी दिन दिनै रोगी बन्यो देश यो
छाती भित्र छ छैन देश सबले छामेर साँचो भन
नक्सा खुम्चिरहेछ यो मुलुकको हेरेर बस्छौ किन ?

नेपाली हुन जिन्दगीभिर यहाँ पाक्ष्इन्छ पाइन्न कि ?
आफ्नो यो पहिचान गुम्न नदिई बाँचिन्छ बाँचिन्न कि ?
हाम्रो राष्ट्रियता विरुद्ध रिपुले औला ठड्याए झन
नक्सा खुम्चिरहेछ यो मुलुकको हेरेर बस्छौ किन ?

हाम्रा शासकको कदापि कहिल्यै सुध्रेन बाङ्गो मति
आँखा मात्र रसाउँछन् मुलुकको सम्झेर यो दुर्गति
बो झिक्ला खिल बिझ्छ यो हृदयमा आफै सुनी रोदन
नक्सा खुम्चिरहेछ यो मुलुकको हेरेर बस्छौ किन ?

केही गर्न बढे अगाडि सबले काँडाहरु गाड्छन्
खुट्टा तान्दछ जो यहाँ हरघडि त्यस्ता सबै टिक्छन्
कस्तो हाय निरिह मानसिकता कस्तो छ पापी मन
नक्सा खुम्चिरहेछ यो मुलुकको हेरेर बस्छौ किन ?

कान्लाको डिलमा बसेर भरिया झोक्राउदै सोच्दछ
नेपालै रहला न यो नरहला चन्ने सधै त्रास छ
आशाले अब बाँच्नुपर्छ सबले फिर्ने छ हाम्रो दिन
नक्सा खुम्चिरहेछ यो मुलुकको हेरेर बस्छौ किन ?